Sofia

Mga Aklat ni Sofia(47)

When He Cries

Romance

5.0

Nagpunta si Yngrid sa Camiguin para mag-relax kasama ang mga kaibigan. Umaasa siya na sa loob ng tatlong araw na bakasyon ay may mababago sa kanyang boring na buhay. Kasama na sa misyon niya ang makatagpo ng isang hot at guwapong lalaki na magbibigay ng kulay sa kanyang monotonous na buhay. Enter Kenji Matsunaga – ang fashion model na crush na crush niya. Ito ang sumagip sa buhay niya matapos siyang malaglag sa pool. Those three days in Camiguin with him was perfect. Hanggang malaman na lang niya na si Kenji pala ang boyfriend ng mortal niyang kaaway na si Margaret Choi. Habang friendzoned lang ang ganda niya. Pero nang makita niyang umiyak si Kenji dahil kay Margaret, alam niyang gagawin niya ang lahat para di na lumuha pa si Kenji. At iyon ay sa piling niya. Ipaglalaban niya si Kenji kahit na nga ba hindi siya ang mahal nito?

Football Hotties 2: The Wicked Striker

Romance

5.0

Misyon ni Cattleya Bautista sa pagpunta sa Germany na kumbinsihin si Liam Aramis na pumirma ng kontrata sa El Mundo Football Club. Kung hindi niya ito mapapapirma ay huwag na lang daw siyang umuwi ng Pilipinas ayon sa pinsan niya na manager ng club na si Pierro Dantes. Pero di lang basta ayaw pumirma ni Liam sa kontrata. Hindi na ito iginalang ang pagiging assistant manager niya. Pinaghinalaan pa siya nito na handang ialay ang katawan at puri niya dito para lang makumbinsi itong pumirma ng kontrata. Sa huli ay wala na siyang mapagpipilian kundi hamunin ito sa isang beer-drinking contest. Kapag natalo siya, hindi na niya ito kukulitin pang pumirma sa El Mundo FC. And she also owed him a passionate night together. Sa kamalas-malasan ay natalo siya. Di na nga siya makakauwi ng Pilipinas ay nanganganib pa ang puri niya.

Football Hotties 1: Sweet Angel

Romance

5.0

Jaidyleen realized that she was leading a boring life. Lumilipas ang panahon na wala siyang ginawa kundi magtrabaho at pagsilbihan ang kanyang pamilya. Pero nang maaksidente siya, saka lang na-realize ni Jaidyleen kung ano ang nami-miss niya sa buhay. Ang una niyang naisip gawin—magpakasaya sa isang football match at halikan si Angel Aldeguer, ang paborito niyang half Spanish-half Filipino football player. From a staid and serious woman, she transformed herself into a certified fangirl. Ang akala niya ay ayos lang iyon. She was just a girl having fun. Wala rin namang nakakaalam. Hanggang isang araw ay natuklasan ni Jaidyleen na isa si Angel sa magiging estudyante niya sa language class. Hindi lang puso niya ang namemeligro kundi pati ang trabaho niya at ang reputasyon na matagal din niyang iningatan. Pero paano niya mapipigilan ang sarili na ma-red card kung isang ngiti lang ni Angel sabay sabing, ‘matanda ka” ay off-side na ang puso niya?

SURRENDER TO THE FEELING

Romance

5.0

Sworn enemies. Iyan ang taguri nina Zafira at Greco sa isa’t isa. Para kay Greco, hindi siya magandang impluwensiya sa kababata nitong si Charishma na matalik naman niyang kaibigan. Hindi daw maganda ang family background niya dahil ang ama niya ay isang sikat na archaeological looter. Kaya nga kahit minsan ay di sumagi sa isip niya na magustuhan ito kahit pa guwapo ito at matalino. Lalaitin lang nito ang pagkatao niya. Kaya nagulat na lang siya nang biglang i-anunsiyo ni Greco sa lahat na girlfriend na siya nito. Hanggang alukin siya nito na maging totoong girlfriend nito. Sasakay ba siya sa kalokohan nito o bibigyan niya ang sarili ng pagkakataon na maranasang maging totoong girlfriend nito?

Conquering the Pirate Lord

Romance

5.0

Simple lang ang plano ni Jeremie sa pagsama sa cruise. Ang mag-relax bago siya bumalik sa Pilipinas at harapin ang mga responsibilidad niya sa pamilya niya. Hanggang mapanalunan niya sa isang game ang isang date kasama si Lucian Montecillo, who was also known as the Pirate Lord. He owned Asia’s most promising cruise ship. Guwapo sana ito pero suplado at parang may allergy sa mga babae. Ayaw nito sa kanya and the feeling was mutual. Iginigiit nito na kagaya siya ng ibang babae na naghahabol dito na gusto itong akitin at siluin sa kasal. Sa gitna ng paglilitanya nito, she walked out on him. Hindi niya matatagalan ang kaarogantehan nito. “Hey, wait!” Nagulat siya nang humarang sa harapan niya si Lucian. “Yes?” “I am still your prize.” Hinapit nito ang baywang niya. Magkadikit na ang katawan nila at gayundin ang mga mukha nila. “Be my date.”

Finding Ethan: The Dream That You Seek

Romance

5.0

Masaya na si Aurora sa simpleng buhay niya sa Isla Juventus. Kahit na malayo sa sibilisasyon, walang kuryente, walang radyo o telebisyon ay kuntento na siya. Isa siyang mabait na anak na handang magpakasal sa lalaking pinili ng ama niya. Subalit nang dumating sa buhay niya ang guwapong estrangherong si Alvaro, parang naisip niya na parang may kulang sa buhay niya. Misteryoso ito at nagmula sa mundo na hindi kailanman niya binalak na puntahan – ang magulong lungsod ng Maynila. Nabuhay ang kuryosidad niya at kapag nahuhuli niya itong nakatitig sa kanya, parang sasabog ang puso niya. Iniwan na daw nito ang magulong buhay sa Maynila at gusto na daw nito ng bagong buhay kasama siya. Subalit paano kung sumabog sa harapan niya ang misteryo ng pagkatao ni Alvaro at nakatakdang guluhin ang tahimik na buhay niya sa isla?

Finding Carrot Man 1: You're My Shining Star

Romance

5.0

Para kay Sunny Angeles ay itinadhana sila ni Carrot Man sa isa’t isa. Nang unang beses silang nagkita ay ito ang nag-iisang nagbigay ng star sa kanya sa isang photo competition. Sumunod naman niya itong nakita nang minsang nagbubuhat ito ng gulay sa Mountain Province pero nagkasya na lang siyang kuhanan ito ng picture. Di niya inaasahan na kakalat sa internet ang kuha niyang picture. At ang masaklap, di na niya solo si Carrot Man dahil pinag-aagawan ito ng iba’t ibang babae. Hanggang matunton niya ang binata sa bulubundukin ng Sagada. Ang masaklap lang ay idine-deny nito na ito ang hot na tagabuhat ng carrot na kinuhanan niya. Pero sinasabi naman ng puso niya na ito ang Carrot Man niya. No retreat, no surrender si Sunny dahil lkahit anong deny ng binata na ito si Carrot Man ay di naman ito pwedeng mag-deny na gusto nito ang halik niya. Pero paano kung namali pala siya ng Carrot Man?

Finding Carrot Man 2: He's the One

Romance

5.0

Isang astiging reporter na mataas ang pangarap ni Madison. Nang lumabas ang balita tungkol sa viral na si Carrot Man, nag-unahan ang iba’t ibang media outlet na mahanap ito at makakuha ng exclusive interview. Kung makukuha niya iyon, tiyak na ikasisikat niya. Higit pa doon, may lihim siyang pagsinta sa lalaki nang minsan siya nitong iligtas sa gusot na kinasangkutan niya. He was her hero. Isa lang ang makakatulong sa kanya na mahanap ito - si Lerome, ang tourism head at matalik na kaibigan ni Carrot Man. Ito lang ang nakakaalam ng pasikot-sikot sa Barlig at makapagtuturo sa kanya kung nasaan an g binata. Pero isang kalaban ang tingin nito sa kanya. At pipigilan siya nito na mahanap si Carrot Man kasehodang bihagin nito ang puso niya.

Finding Carrot Man 3: Mine From the Start

Romance

5.0

Matagal nang may lihim na pagtingin si Beliza sa bestfriend niyang si Jeyrick. Nang sumabog sa internet ang picture nito bilang guwapong Carrot Man, dumami bigla ang karibal niya. Napilitang magtago ang lalaki upang makaiwas sa media. Kailangan niyang maging overprotective sa binata lalo na’t nagbabalik ang babaeng minsan nitong minahal at nanakit dito. But wait, there’s more. Dahil kasama din sa nag-I shall return ang impakto niyang ex-boyfriend na nanakit sa kanya, napilitan siyang ipagkalat sa lahat na siya ang girlfriend ni Carrot Man. Tutal ay doon din naman sila mauuwi ng binata. Natagpuan na lang niya ang sarili sa mga bisig ng ex-boyfriend na si Cardo para protektahan siya. Kontrabida yata ang puso niya dahil habang ang mga labi niya ay si Carrot Man ang isinisigaw, pasimple naman siyang kinikilig sa bawat sulyap at ngiti ng impakto niyang ex-boyfriend. Ano ba ang magwawagi - ang pag-ibig niya kay Carrot Man o ang pang-aakit ni Cardo?

Finding Carrot Man 4: Forever Means By Your Side

Romance

5.0

Di pa man sikat, laos na. Iyan ang taguri kay Paloma ng showbizlandia na isang dating sikat na singer. Hirap na siyang makakuha ng singing engagement at kahit mga simpleng acting roles. Nang kumalat ang picture ni Carrot Man, ang lalaking minsan niyang minahal, naisipan ng management niya na kailangan niyang hanapin ang lalaki para maibalik ang tambalan nila at bumango ulit siya sa mga tao. Pero sa kabila ng katakot-takot na hirap niya sa binata para mahanap ito ay ipinagtabuyan lang siya ng lalaki. Alam niya sa puso niya na hindi na kasikatan ang habol niya mula dito kundi ang pagmamahal nito. Paano kung sa pagbalik nila sa sibilisasyon ay malaman nito ang panlilinlang niya? Kakayanin ba ng puso niya na tuluyan nang mawala ang mga pangarap niya at ang lalaking mahal niya?

I Remember the Boy: Carrot Man

Romance

5.0

Nagbabantang ma-suspend si Paloma sa university matapos siyang masangkot sa pang-aaway ng kaibigan niya sa apo ng governor ng Mountain Province. Ang masaklap ay nilait-lait ng kaibigan niya ang mga Igorot dahilan para mas mabigat ang maging sa kanila. At para di sila magkaroon ng pangit na record ng kaibigan sa university ay kailangan nilang sumama sa cultural immersion sa Kadaclan - isang community sa Mountain Province. At si Jeyrick ang mag-a-assist sa kanya - ang kaklase niya na itinuturing na outcast ng grupo nila at nabu-bully ng mga ito. Nakasalalay dito kung makakagawa siya ng maayos na report para mabura ang di magandang record niya. Hahamunin ng kabundukan ng Cordillera ang lakas ni Paloma. Ang kamay kaya ni Jeyrick ang aalalay sa kanya para makatawid ng kabundukan o ang magtutulak sa kanya sa bangin ng pangarap niya?

Right Here Waiting For You

Romance

5.0

Nagluksa ang puso ni Nailah nang maglaho si Carson nang di man lang nito naibabalik ang pagmamahal sa kanya. But he stayed inside her heart for five years. Hindi madali para sa kanya na kalimutan ito habang ang lahat ay naka-move on na sa pagkawala nito. Ikakasal na ang dati nitong nobya sa kapatid niya. Subalit buhay pala ang binata at para maging madali ang transition ng buhay nito, kailangang magpanggap ang lahat na normal pa ang lahat - na ito pa rin ang mahal ni Andrea at di natuloy ang kasal ng kapatid niya. Di rin masabi ni Nailah dito na mahal niya ito.

I Live My Life For You

Romance

5.0

Matapos makaligtas sa paglubog ng bangkang sinasakyan sa Guimaras, nagdesisyon si Ratchelle na umuwi ng Isla La Carmella para ayusin ang relasyon niya sa magulang niya at pakasalan ang unang lalaking minahal niya na si Vic-Vic. Subalit sa gabing nakatakda na niyang sabihin kay Vic-Vic na mahal niya ito ay idineklara naman nito na ikakasal na ito sa kontrabida niyang pinsan na si Joanne Jean. Wasak na wasak ang mundo niya nang gabing iyon. At paggising niya kinabukasan ay katabi na niya ang mortal niyang kaaway na si Orion – ang gusgusin at mukhang di naliligong artist na itinatanghal sa buong La Carmella. Kunyari ay patay-malisya na lang siya at tinakasan ito para iwasan ang komprontasyon. Subalit di niya ito magawang takasan nang kumalat sa buong La Carmella ang tungkol sa isang gabing “pagkalimot” nila. Subalit paano kung di lang puri niya ang plano nitong ibangon kundi plano rin nitong hilumin ang sugat sa puso niya? Lalabanan ba niya ang nararamdaman o bibigay na lang?

My Lock of Love Cannot Be Broken

Romance

5.0

Kaela was broken and shattered after her ex- boyfriend betrayed her. Sa sobrang kabiguan ay umakyat siya ng Penang Hill para wasakin ang Locks of Love kung saan nakalagay ang pangako nila ng dating nobyo sa isa’t isa. Sa malas naman ay agaw-eksena siya sa pagwawala niya. Mabuti na lang at nandoon ang guwapong host na si Braydon Reolonda para i-comfort siya. Naging permanenteng parte na ng buhay niya ang lalaki na di daw siya iiwan hangga’t hindi siya nakaka-recover. Hindi naman malabong matulungan siyang maka-recover ng binata sa kabiguan niya. Pero di kaya mas matinding heartbreak ang mararanasan niya sa mga kamay ni Braydon? Maniniwala pa ba siya sa forever o sisigaw ulit siya ng “WALANG FOREVER!”?

You're The One For Me

Romance

5.0

Hindi makakalimutan ni Sandy ang huling gabi niya sa Seoul bago siya umuwi ng Pilipinas para pakasalan ang lalaking pinili ng lolo niya para sa kanya. Nag-uwi siya ng lasing na lalaki sa apartment niya. And that guy stripped infront of her. Nang muli silang magkaharap ay nalaman niyang ito ang lalaking nakatakda niyang pakasalan. He was Ares Manrique, heir to Pearl of the Orient Bank. At di magandang impression ang iniwan niya dito. Pinalalabas nito na sinamantala niya ang kalasingan nito at babae siya na walang moral at nag-uuwi ng kung sinu-sinong lalaki. Kung ayaw nito sa kanya, mas lalong ayaw niya dito dahil ito na ang pinakamayabang at pinaka-aroganteng lalaki sa mundo. Pero bakit nang halikan siya nito ay biglang nagbago ang isip niya? He was such a good kisser. And she was willing to spend a hellish forever with him just to taste that kiss over and over again.

The Bossy Intruder (Filipino)

Romance

5.0

Dahil nasunugan ng bahay ay nagmagandang-loob ang boss ni Alondra na patuluyin siya sa bakanteng condo. Isang taon na daw walang nakatira doon at kailangang may magbantay para di bahayan ng multo. Nang minsang umuwi siya galing sa trabaho ay nakarinig siya ng lagaslas ng shower at boses ng isang lalaki sa kabilang kuwarto. Kaya bitbit ang kanyang antique na krus ay nagpunta siya sa kabilang silid para mag-alay ng dasal sa kaluluwang di matahimik. Narinig niya ang pagbukas ng pinto ng banyo. “Miss, what the hell are you doing?” dagundong ng boses ng lalaking multo. Bigla niyang idinilat ang mata at isang guwapo at matipunong lalaki ang nakatayo sa pinto ng shower room. Hubad ang makisig at basa nitong katawan. At walang ibang tumatakip sa katawan nito kundi isang pirasong puting tuwalya lang. Bumagsak ang panga niya at nanginig ang tuhod niya. Ito na yata ang pinakamakisig at pinakaguwapong lalaki na nakita niya. Kung ganito kaguwapo ang multo, ayaw yata niyang i-exorcise.

The Amorous Intruder

Romance

5.0

Simple lang ang misyon ni Riva sa pagsugod sa bayan ng Rosario – gusto niyang pigilan ang kasal ng paborito niyang pinsang si Ernest sa kasintahan nitong gold digger na si Estrella. Ginamit lang naman ito ng babae para mabayaran ang utang ng Villa del Carmen. Pero sa kalaliman ng gabi ay isang guwapo at matipuno pero lasing na lalaki ang pumasok sa kuwarto niya at tinangka siyang halikan. At tinawag siya nitong Estrella at mahal na mahal daw siya nito. Ang lalaking ito ba ang makakatulong sa kanya para mapigilan ang kasal ng pinsan niya o ito ang lalaking liligalig sa nahihimbing niyang puso?

The Sensual Intruder

Adventure

5.0

Kiev Lazaredos was running away from trouble. Pumasok sa suite niya sa resort ang girlfriend ng pinsan niya at tinangka siyang i-seduce. Nang di niya ito patulan ay inakusahan siya nito na gusto niya itong gahasain. Wala siyang choice kundi tumalon sa terrace ng kuwartong katabi niya. Maswerte siya dahil bukas iyon at doon pansamantalang nagtago. Paalis na sana siya nang magising ang lasing na babaeng umookupa ng silid. It was Estefania Realejos. Brokenhearted ito dahil sinabihan itong boring at frigid ng dating nobyo. Akala nito ay siya ang gigolo na magtuturo dito kung paano maging babae. Kung malalaman nitong hindi siya ang gigolo na iyon, tiyak na maaakusahan na naman siyang rapist sa pangalawang pagkakataon sa gabing iyon. But if he wanted to save his ass, he must teach this innocent lady how to be a woman.

A Clash With the Knight 1 and 2

Romance

5.0

Lancelot “Knight” Valdrez is the most popular young adult writer in the country. Sa edad na labingpitong taong gulang, nakahakot na ito ng mahigit isang milyong follower sa social media, may sold out books, gagawing pelikula ang libro at naimbitahang mag-aral sa Bright Minds Academy, ang paaralan na ilang beses nag-reject dito. Narito na ang lahat. Pero hindi iyon ang tingin dito ni Sylvie dela Paz, ang bagong kaklase ni Lancelot. Hindi karapat-dapat ang lalaki sa Bright Minds Academy o sa kasikatang tinatamasa nito. He is not brilliant. Di niya maintindihan kung paanong naging sikat ang libro nito samantalang puro loopholes, typo error at mali-mali naman ang grammar. It is a major turn off for her. At sa harap ng mga fans nito, di niya pinalampas ang pagkakataon na ipamukha dito kung ano ang tingin niya sa lalaki. Simula na ang giyera. Sylvie is now Public Enemy Number One.

Baring His Heart

Romance

5.0

Ang bakasyon ni Justine sa Camiguin kasama sa kaibigan ay ang tanging pagkakataon niya para mailayo ang sarili sa galamay ng istrikta at mahigpit niyang lola. Ito rin ang pagkakataon niya para maging kaakit-akit na babae. Too bad, dahil doon ay nag-clash sila ng guwapo at hot as in laging mainit ang ulo na si Stefan Chung. Parang lagi itong galit sa mga babae na parang lagi itong pagsasamantalahan. Sa muli nilang paghaharap ay siya ulit si Justine – ang conservative at mabait na apo ng lola niya. At ito ang lalaking itinakdang ipakasal sa kanya ng lola niya. Isang malaking gulo kung makakarating sa lola niya kung anong ginawa niya sa Camiguin. At handa siyang gawin ang lahat ng gusto ni Stefan para manatili ang sekreto niya.