“Marvene Estacio is an old soul. Mas gusto niyang ng tumambay sa library kaysa sa magbabad sa social media sites at dutdutin ang cellphone. Bukod sa toxic ang internet, ayaw na ayaw niya ng mga famewhore na nabubuhay lang sa likes at comments ng ibang tao kahit walang sense ang sinasabi. Si Thalia Villarin, ang reyna ng social media sa Lakandula High School. Sikat ito sa mga OOTD, pagkanta nang wala sa tono sa publiko at di yata makakahinga sa isang araw kung hindi umabot sa quota ng likes, comments at shares. Binulabog nito ang tahimik na bayan ng Lakandula na biglang nagkaroon ng pakialam sa social media para suportahan lang ang kahibangan nito. Ang masaklap, ipinagkalat pa nito na siya ang crush nito kaya naman pinutakti ng negatibong comments at reaksyon ang film entry niya. Hindi tuloy siya qualified sa paramihan ng likes, comments at shares. Kaya ba niyang maging malapit sa babaeng kinaiinisan niya? Handa na ba siyang makilala ang social media queen sa likod ng camera?”