Heaven full novel download

Bellaroca Resort and Spa. Hindi mo aakalain na matatagpuan ang isang makabagong architectural design at grandeyosong resort at spa sa isang tagong isla sa lalawigan ng Marinduque. Hanggat hindi mo hahanapin sa google or internet ang resort na ito, saka ka lang mamangha at maaakit sa malaparaisong lugar na ito na napaliligiran ng asul na tubig dagat. Sa simpleng pangalan ng resort na ito, kabaliktaran ito Ng makikita mong ibat ibang angulo Ng resort na ito. Animoy dinala ka nito sa Greece sa anyo at sa klase ng mga struktura ng resort.

Mas lalong naging kaakit akit ang lugar na ito sa mga kulay berdeng puno na nakapaligid sa isla at sa hugis nito na ginamitan Ng makabagong architectural design na pinatag ang ilang bahagi Ng isla at tinayuan ng makabagong gusali at mga kagamitan na ang presyo ay katumbas Ng isang korporasyon.

Walang ibang kulay ang mga bawat gusali liban sa kulay Puti na lalong nagpatingkad sa ganda nito sa repleksyon Ng kulay asul na tubig dagat..Makikita ang magagarang yate sa paligid ng resort na siyang ginagamit sa pagsundo at paghatid ng mga VIP guests kung mangagaling Ng El Nido sa palawan, Boracay sa Aklan or sa Puerto Galera sa Mindoro.

"hoy" sabay tawa ng babaeng nanggulat.Si Kristel, isa sa mga receptionist ng resort. Abot tenga ang pagkakangiti na labas ang biloy sa dalawang pisngi.

"Ano ka ba? Bakit ka ba nangugulat?" sabay ayos sa kulay na pencil cut na palda ni Aaliyah, dahil hindi sanay sa 1 inch above the knee na palda, dagdag pa na para suman sa sobrang hapit sa kanya Ng balakang,lalo mejo may kaumbukan nyang butt, na madalas sinasabi ng kanyang mga kaklase na kolehiyo na asset nya.

"hahaha, eh pano po parang ang layo ng tingin mo, hindi mo naramdaman ang kagandahan ko, ano ba tinitingnan mo?" sabay dikit sa mukha ni Aaliyah upang tingnan ang tinitingnan ng kaibigan. Isang grupo ng dalawang lalaki at tatlong babae ang makikitang masayang nagtatampisaw sa infinity pool sa gilid ng resort na aninag sa salaming bubog ng resort. Base sa galaw ng limang kabataan at mga ngiti sa labi, mahuhulaan mo na enjoy na enjoy ang mga kabataan sa pagtatampisaw sa malawak na infinity pool.

"Ano meron sa kanila beshy?" sabay baling ng tingin kay Aaliyah na noon ay inalis na ang pagkakatitig sa mga kabataan at inayos na ang kanyang area sa front desk, dahil anumang oras ay baka may dumating ng mga guest ng resort.

"Wala, natutuwa lang ako pag masdan mga un, mga tunay na anak ng Diyos" sagot ni Aaliyah na walang halong inggit sa kanyang mga salita habang tinitingnan ang repleksyon sa maliit na salamin, pagkatapos mapagmasdan ang imahe sa salamin napangiti cya na makita maayos ang pagkakalagay nya ng make up sa mukha, lalo na ang kulay ng kanyang maninipis na labi na hindi na nya kailangan lagyan ng lipstik dahil natural itong mapula.

"ahahaha bakit di ba tayo anak ng Diyos?" may pagka OA na sambit ni Kristel sabay ikot ng kanyang mabibilog na mata.

"hoy beshy bunganga mo ang lakas baka marinig tayo ni tiger" sabay tingin sa paligid, ang tinutukoy na tiger ni Aaliyah ay si Ms Llorca, ang front desk resort manager. "Alam mo naman yun, bigla sumusulpot, mapagalitan na naman tayo"

"Hayaan mo siya, hindi naman tatawaging tigre un kung hindi laging nakasinghal at nakasigaw, kahit maliit na bagay galit agad at nag bubunganga" sagot ni Kristel sabay simangot. "Saka wag mo ibahin usapan, bakit mo naman nasabi na tunay na mga anak ng Diyos?" sabay nguso sa mga kabataan na patuloy na nagtatampisaw sa pool sa ganun kaagang oras.

"Magkano ba isang araw at isang gabi mag stay dito sa Bellarocca?" sabay balik na tanong ni Aaliyah sa katrabaho na kalaunan ay napalagayan na nya ng loob dahil masaya itong kasama at may pagka kalog.

"uhmmm", kunwari nag iisip na sagot ni Kristel at sabay turo ng daliri sa sentido na sinabayan ng taas ng eyeball. "Three thousand dollar"

"See? sino namang ordinaryong tao makaka afford sa ganitong kamahal na Hotel Resort? at dollar ha, hindi sa currency natin na Philippine Peso, pa two years na ako dito pero limang kapuwa Pilipino natin pa lang ang ang nakapag check in dito sa mala paraisong resort na ito" mahabang tugon ni Aaliyah

"Tama ka, Ung isa president ng Pilipinas at ung isa anak ng senador at ung tatlo mga kilalang business tycoon at lahat na mga foreigners mula sa iba't ibang bansa na parang galit sa pera kung makapag waldas"

"Morning, ano pinag chichismisan nyo?"

"As usual, late ka na Naman Josh" sambit ni Aaliyah sa kakarating na kasamahan sa front desk.

"Ano bago, eh lagi Naman yan late" dagdag ni Kristel na noon ay naghahanda na sa pag dagdating Ng mga guests Ng hotel.

"Aw, grabe sila oh" medyo may pagka kenkoy na sagot ni Joshua, habang inaayos ang necktie Ng hotel uniform.

"You're late again Joshua Sabater,!" malakas na bulyaw na nakapamewang ng front desk manager na si Ms Llorca na bigla lumitaw sa harap nila.

"Eh.." nauutal na sambit ni Joshua habang napakamot sa ulo. paktay ako nito sa loob loob nito sa sarili..kahit sanay na sila kung pao sila sitahin hindi parin siya masanay.