Kiev Lazaredos was running away from trouble. Pumasok sa suite niya sa resort ang girlfriend ng pinsan niya at tinangka siyang i-seduce. Nang di niya ito patulan ay inakusahan siya nito na gusto niya itong gahasain. Wala siyang choice kundi tumalon sa terrace ng kuwartong katabi niya. Maswerte siya dahil bukas iyon at doon pansamantalang nagtago. Paalis na sana siya nang magising ang lasing na babaeng umookupa ng silid. It was Estefania Realejos. Brokenhearted ito dahil sinabihan itong boring at frigid ng dating nobyo. Akala nito ay siya ang gigolo na magtuturo dito kung paano maging babae. Kung malalaman nitong hindi siya ang gigolo na iyon, tiyak na maaakusahan na naman siyang rapist sa pangalawang pagkakataon sa gabing iyon. But if he wanted to save his ass, he must teach this innocent lady how to be a woman.
Chapter 1 TSI: 1
"Bendita, break na kami ni Pierre. Sabi niya parang hindi daw ako babae. Pakiramdam daw niya parang robot o computer ang girlfriend niya."
Napahagulgol ng iyak si Estefania. Wala siyang pakialam pinagtitinginan sila ng ibang mga guest nasa bar ng Sea Coral Beach Resort sa Bohol at palubog pa lang ang araw ay umiinom na siya. She should have done this a few days ago. Mahigit isang linggo na silang break ng nobyong si Pierre. Pero kinailangan niyang pigilin ang emosyon niya kasama na pati ang luha niya dahil ayaw niyang maapektuhan ang trabaho niya. Pero ngayong nasa bakasyon na siya ay pwede na siyang magwala kung gusto niya.
Tatlong buwan pa lang niya itong boyfriend. ito ang first boyfriend niya at matagal niya itong hinintay. Akala niya ito na ang lalaking pakakasalan niya at makakasama habambuhay. Kaya naman gumuho ang lahat ng pangarap niya nang sabihin nitong ayaw na nito sa kanya.
Binayo ni Benedicto Sangandaan aka Bendita ang mesa. Pa-girl ang bestfriend niya pero lumabas ang pagiging lalaki nito pagdating sa pagdepensa sa kanya. Nakataas tuloy ang kilay ng bartender dahil mukhang gusto nang manapak ni Bendita. "Ang kapal ng face ng Pierre na iyon. Pagkatapos mong mag-give way sa kanya para siya na ang maging head ng department ninyo dahil nga mahal mo siya at halos ikaw na ang gumawa ng trabaho niya, ito pa ang sasabihin niya sa iyo." Ipinilig nito ang ulo at napatungga ng vodka nang wala sa oras kahit bawal iyon dahil naka-duty ito bilang manager ng bar. "Hindi ko sukat akalain na magagawa niya ito sa iyo. Akala ko pa mandin maswerte ka dahil sa wakas napansin ka ng Prince Charming mo."
Magkaibigan sila ni Bendita mula high school. The nerd and the gay. Elementary pa lang kasi ay pumipilantik na ang daliri nito. Ito ang umaalo sa kanya kapag binu-bully siya ng ibang insecure na estudyante dahil matalino siya. Habang siya naman ang taga-depensa dito sa ibang tao pati sa pamilya nito nang sa wakas ay magladlad na ito. Kaya naman kahit nang sa Bohol na nag-settle ang pamilya nito at doon nag-aral ng college ay hindi naputol ang bond nila.
Si Bendita ang saksi sa pag-ibig niya kay Pierre. High school pa lang kasi ay crush na niya ito. Mas senior ito sa kanya ng dalawang taon. Matangkad ito, mestizo at laging ngumingiti sa kanya kapag nakakasalubong niya sa corridor. Pareho silang officer ng Science Club. Saksi siya sa mga nagiging crush nito at girlfriend at si Bendita ang iniiyakan niya kapag nakikita niyang may kasama si Pierre na iba.
Nang maka-graduate si Pierre ay nagawan pa niya ng paraan na makita ito dahil pinsan ni Bendita ang isa sa barkada nito. Kaya naman Computer Engineering din niya ang kinuha niyang kurso. At maswerte siya na mapasok din sa kompanya kung saan parte si Pierre.
Tatlong taon na siya sa kompanya nang sa wakas ay mapansin at ligawan siya nito. Isang buwan lang siyang nagpakipot dahil ayaw niyang isipin nito na easy siya. Masaya siya sa loob ng tatlong buwan na nobyo niya ito. She thought everything was perfect. Nangangarap na nga siya kung anong design ng wedding gown niya sa kasal nila.
Nagsimula lang ang problema nang gusto ni Pierre na maging mas intimate sila. His kisses became hotter and she was not comfortable with it. She told him that she needed more time to get used to it. Hindi naman kasi siya ang babae na sanay sa intimacy. She allowed him a few light kisses but she thought it was enough.
Nang gusto nitong may mangyari sa kanila ay lalo siyang nataranta. Doon na nagsimula ang matinding pagtatalo nila. She wanted to be a virgin bride. Iyon ang regalo niya sa magiging asawa niya. Pero para kay Pierre ay isang malaking kalokohan iyon. Wala na daw virgin bride sa panahong ito. At saka siya nito hinamon ng hiwalayan. Hindi daw nito matatagalan ang isang frigid na girlfriend. Pinagtitiyagaan na nga daw nito ang pagiging manang niya at nerd. Pati ba naman daw ang kaunting intimacy ay hindi niya ibibigay.
"Masakit kasi hindi naman ako ganoon kawalang kwentang girlfriend," wika niya at nagsalin ng vodka sa baso. Nanginginig na siya at nanlalabo ang paningin. "Ibinibigay ko ang buong suporta ko sa kanya. Sa trabaho at sa pamilya niya lagi ko siyang tinutulungan."
"Oo naman. Kulang na lang ikaw na ang magpaaral sa mga kapatid niya. Hindi ka na nga natutulog sa dami ng utos niya sa iyo. Sa totoo lang gusto kitang batukan kasi di ko sukat akalain na hahayaan mong gawin niya iyon sa iyo."
Ngumisi siya at itinaas ang baso. "Ikaw nga nagbibigay pa ng pang-tuition sa naging boyfriend mo. So I thought that's fine."
Hinatak nito ang buhok niya. Tumawa lang siya kahit halos mapunit ang anit niya. Sa palagay niya ay lasing na siya. Tumawa siya habang umiiyak. "Gagang-gaga ka talaga. Iba iyon."
"Walang ipinagkaiba iyon. Bading, babae, lahat nagmamahal. Hindi ko nga lang alam na ganito pala kasakit ang magmahal." At muling pumatak ang luha sa mata niya. Awang-awa siya sa sarili niya dahil sampal sa pagiging babae niya ang ginawa ni Pierre. Parang pinapatay siya. "Ibinigay ko naman ang best ko. Ang lahat ng pang-unawa ko kapag siya ang nagkukulang sa akin. Minsan mukha na akong alila niya pero okay lang. Bakit hindi sapat ang totoong ako at ang kaya kong ibigay sa kanya? Sobra-sobra pa ang gusto niyang hingin."
Akala niya ay okay lang dito na mabait, matalino, masipag at independent ang girlfriend nito. Iyon pala ay mas gusto nito ang mas maganda at mapagbigay na babae. Hindi naman siya ganoon.
"Baka naman may pagkukulang ka nga. Hindi mawawala ang intimacy sa isang relasyon. Walang spice ang isang relasyon kung walang intimacy. Hindi pwedeng hanggang titigan at kiligan lang ang pag-ibig. That's boring." Ginalaw nito ang salamin niya. May grado ang mata niya pero mas gusto niya ang salamin kaysa sa contact lens. "Look at you. Mukha kang hinukay sa baul ng lola ko."
Chapter 1 TSI: 1
10/04/2022
Chapter 2 TSI: 2
10/04/2022
Chapter 3 TSI: 3
10/04/2022
Chapter 4 TSI: 4
10/04/2022
Chapter 5 TSI: 5
10/04/2022
Chapter 6 TSI: 6
10/04/2022
Chapter 7 TSI: 7
10/04/2022
Chapter 8 TSI: 8
10/04/2022
Chapter 9 TSI: 9
10/04/2022
Chapter 10 TSI: 10
10/04/2022
Chapter 11 TSI: 11
10/04/2022
Chapter 12 TSI: 12
10/04/2022
Chapter 13 TSI: 13
10/04/2022
Chapter 14 TSI: 14
10/04/2022
Chapter 15 TSI: 15
10/04/2022
Chapter 16 TSI: 16
10/04/2022
Chapter 17 TSI: 17
10/04/2022
Chapter 18 TSI: 18
10/04/2022
Chapter 19 TSI: 19
10/04/2022
Chapter 20 TSI: 20
10/04/2022
Chapter 21 TSI: 21
10/04/2022
Chapter 22 TSI: 22
10/04/2022
Chapter 23 TSI: 23
10/04/2022
Chapter 24 TSI: 24
10/04/2022
Chapter 25 TSI: 25
10/04/2022
Chapter 26 TSI: 26
10/04/2022
Chapter 27 TSI: 27
10/04/2022
Chapter 28 TSI: 28
10/04/2022
Chapter 29 TSI: 29
10/04/2022
Chapter 30 TSI: 30
10/04/2022
Chapter 31 TSI: 31
10/04/2022
Chapter 32 TSI: 32
10/04/2022
Chapter 33 TSI: 33
10/04/2022
Chapter 34 TSI: 34
10/04/2022
Chapter 35 TSI: 35
10/04/2022
Chapter 36 TSI: 36
10/04/2022
Chapter 37 TSI: 37
10/04/2022
Chapter 38 TSI: 38
10/04/2022
Chapter 39 TSI: 39
10/04/2022
Chapter 40 TSI: 40
10/04/2022
Other books by Sofia
More