Between Lust and Love- TAGALOG (*)

Suot niya ay pulang bra na sinusubukang takpan ang kabuuan ng mga malulusog niyang dibdib. Halos kalahati lang ng mga dibdib nya ang nakayang takpan nu'n. Isang sexy lace panty na pula din ang tanging suot niya sa ibaba. Sumasabay ang kembot niya sa nakakaakit na tugtog. Ilang beses din niyang pinag-aralan ang pagsayaw na parang nang-aakit.

Nasa harap niya ang isang lalaking nakaupo habang pinapanood siyang sumasayaw. Hindi niya makita ang hitsura nito dahil nakasuot ito ng masquerade mask. Lagi rin nitong suot ang sweatshirt na may malaking print ng Bugs Bunny sa gitna. Sa porma ng pangangatawan nito, tantiya niya ay nasa early thirties na ang lalaki. Gaya ng dati ay wala itong kakilos-kilos habang pinapanood siya.

Tumalikod siya sa lalaki. Pumunta sa likod niya ang dalawang kamay para tanggalin ang hook ng bra. Nang matanggal iyon ay itinaas niya ang isang kamay na may hawak ng bra niya at iniikot-ikot iyon sa ere saka itinapon sa tabi.

Dahan-dahan siyang humarap sa lalaki habang nakatakip ang dalawang braso sa nakawalang mga dibdib. Nakita niya nang mapalunok ito at umayos ng upo. Pumunta sa baba nito ang isang kamay habang hindi inaalis ang tingin sa kanya. Tanging ang mga mata lang nito ang nakikita niya.

Ang trabaho niya ay akitin at paligayahin ito sa pamamagitan ng pagsasayaw. Hindi naman siya obligadong ipakita ang hubad na katawan dito pero kailangan lang niyang kilitiin ang imahinasyon ng nag-iisang kliyente niya. Kinagat niya ang pang-ibabang labi at humiga sa mistulang stage niya habang hindi inaalis ang mga braso sa dibdib. Ibinuka niya ang mga hita nang makahiga, sapat upang masilip nito konti ang langit na nakatago doon. Tumigil na ang tugtog, hudyat iyon na tapos na ang trabaho niya sa gabing iyon.

Agad na kinuha niya ang nakahanda niyang takip sa katawan na nasa gilid niya at itinakip iyon sa mga dibdib saka bumangon. Hindi na niya tinitingnan ang lalaki at dumiretso na siya ng alis doon. Duming-dumi ang pakiramdam niya sa sarili sa tuwing natatapos siya sa pagsasayaw. Limang buwan na niyang ginagawa iyon. Iisa lang din naman ang nagiging customer niya.

Siya si Samantha Custodio, twenty-four years old. Disi-otso anyos siya nang mamasukan bilang waitress sa isang bar na pag-aari ng kinakasama ng among bakla na si Bryce na mas kilala sa pangalan na Diva. Ito ang nagbigay ng trabaho sa kanya nang layasan nilang mag-ina ang amain nya. Tinangka siyang gahasain ng kinakasama ng ina niya kaya't sinaksak ito ng ina niya sa tagiliran. Wala na siyang alam kung ano ang nangyari sa amain pagkatapos nu'n. Napadpad sila sa Maynila galing Olongapo. Tumakas na sila bago pa hulihin ang inay niya.

Dating nagbebenta ng aliw ang ina nya sa Olongapo. Nabuntis ito ng isang customer nitong Amerikano at siya nga ang naging bunga. Hindi niya nakilala ang ama dahil isang beses lang daw naman itong nakasiping ng ina niya. Alam ng ina niya na ito ang ama niya dahil ito lang ang customer nito na Amerikano sa buwang iyon. Sabi nito ay kamukha niya ang ama niya. Matangos ang ilong niya at may mahahaba siyang pilikmata. Lagi nga siyang binabansagang manika sa school nila dati dahil magandang-maganda ang mukha niya. Wavy ang buhok niyang hanggang balikat na blonde. Natural na ganu'n ang kulay ng buhok niya. Tumigil ang ina nya sa pagbebenta ng katawan nang mabuntis ito. Nagkasya na lang itong maging tindera sa isang malaking tindahan sa palengke habang ipinagbubuntis siya.

Sampung taon siya nang magdala ng lalaki ang ina sa bahay nila at ipinakilala itong magiging ama niya. Hindi na maganda ang kutob niya sa lalaking iyon pero hindi siya umimik. Naging good provider naman ang lalaki sa kanilang mag-ina pero hindi lang iisang beses nitong hinahawakan ang braso at kamay niya nang may malisya. Hindi niya iyon sinabi sa ina dahil nakita niyang masayang-masaya ito sa piling ng lalaki. Siya na ang kusang umiwas sa amain para walang gulo. Pinag-aral siya ng amain at lagi ay espesyal ang pakikitungo nito sa kanya na inakala naman ng ina niya ay pagmamahal ng isang ama para sa isang anak lang.

Nang tumuntong siya ng disi-otso ay lagi na siya nitong nireregaluhan ng kung anu-ano. Ibinabalik niya ang mga bigay nito at sa tuwing gagawin niya iyon ay nagagalit ang amain niya. Isang gabi nang minsang wala ang inay niya ay naging mapangahas ang lalaki. Hinila siya nito sa kwarto habang wala pa ang inay niya.

Mabuti na lang at nasipa niya ito sa gitna ng mga hita kaya't napatakbo siya sa may kusina pero mas lalo itong naulol sa galit. Hinihila nito ang buhok niya para ipasok uli sa loob ng kwarto. Naabutan sila ng ina niya sa ganoong sitwasyon. Pilit nitong tinatanggal ang kamay ng kinakasama sa buhok niya pero itinulak lang ito ng lalaki na ikinasalya ng ina niya sa sahig.

Nagulat na lang siya nang biglang lumapit uli ang ina at inundayan ng saksak sa tagiliran ang lalaki. Nabitiwan ng amain niya ang buhok niya at napasigaw ito sa sakit. Nakita pa niya nang umagos ang dugo sa tagiliran nito. Mabilis na hinila na siya ng ina at hindi na sila nakapagdala pa ng mga gamit. Kinuha lang ng ina niya ang pera sa pitaka ng lalaki at nagmamadali na silang umalis.

Napadpad sila sa Manila na walang ibang bitbit kundi sarili nila. Nakita sila ni Diva na nakaupo sa may luneta na parehong tulala. Binigyan sila nito ng pagkain at ininterbyu. Sinabi naman ng ina niya ang buong kwento rito. Mabuti na lang daw at naghahanap ito at ang boyfriend nito ng katulong kaya't inalok nito ang ina nya na mamasukan sa mga ito. Agad na pumayag sila at tumutulong na rin siya sa ina para sa libreng pagtira sa bahay ng magkasintahan.

Malaki ang bahay ng dalawang lalaki. Kahit bakla si Diva ay hindi naman ito nagdadamit pambabae. Mukhang lalaki pa rin ito pero pumipilantik ang mga daliri. Malumanay na malumanay din ang boses nito kaya't halatang hindi ito straight na lalaki.

Hindi nagtagal ay ipinasok siya nito bilang waitress sa bar na pag-aari ng boyfriend nito. Maraming mga sexy dancers ang nagsasayaw sa entablado at napag-alaman nyang ang iba du'n ay sumasama sa mga customers sa labas. Kagustuhan na ng mga babae ang pagsama sa labas. Hindi na iyon kasama sa trabaho nila bilang dancers ng bar. Ang mga customers ng bar ay halatang mayayaman. Exclusive lang kasi ang bar na iyon sa mga members na alam niyang mahal ang membership every year.

Hindi siya pinapasuot ng sexy na damit ni Diva. Sa katunayan ay siya lang na waitress ang balot na balot. Naka-long sleeves siya at pantalon habang iyong ibang waitresses ay kita na halos ang kaluluwa. Edukado ang mga members ng bar na iyon at walang nagtangkang hawakan siya. May mga nag-aalok sa kanya ng isang gabi sa piling ng mga ito at malaki ang kabayaran pero tumatanggi lang siya. May mga nanliligaw at nagpapahaging din sa kanya na mga byudo o mga matatandang binata. Inaalok pa nga siya ng kasal.

Malaki ang bahay ng magnobyo at dalawa ang katulong ng mga ito kasali na ang inay niya. Sa umaga ay natutulog siya dahil panggabi ang trabaho niya bilang waitress. Hindi niya inaasahan na isang araw ay isusugod nila ang ina sa ospital. Nagka-mild stroke ito. Si Diva ang nagbayad sa ospital hanggang sa mailabas ang ina. Hindi na pwdeng magkikikilos ang ina nya kaya't lagi na lang itong nasa kama.

Magmula noon ay ayaw na nyang tanggapin ang sahod na ibinibigay ng magnobyo sa kanya bilang waitress dahil alam niyang malaki pa ang pagkakautang niya sa mga ito. Ang pinuproblema pa niya ay kailangan niyang hanapan ng physical therapist ang ina para hindi ito tuluyang maparalisa dahil kalahati ng katawan nito ang hindi pa rin nito maigagalaw.

Minsan ay kinausap siya ng masinsinan ni Diva. Alam niyang parang pabigat na sila sa mga ito pero wala siyang naririnig na kahit ano sa baklang kumupkop sa kanila.

" Sam, huwag mo sanang masamain ang alok ko sa iyo. Alam ko'ng kailangan mo ng pera para sa tuluyang paggaling ng ina mo. May lumapit kasi sa aking isang customer at handa siyang magbayad ng thirty thousand every week para sa isang oras lang na pagsasayaw mo gabi-gabi. Hindi mo kailangang ibigay ang katawan mo sa kanya. Ang gusto niya lang ay sumayaw ka sa harap niya. Hindi mo rin kailangang maghubad. Kailangan mo lang siyang akitin sa pamamagitan ng sayaw," mahabang paliwanag nito.

" H-ho? H-hindi ko kayang gawin iyon," mabilis na tanggi niya.

" Alam ko at hindi kita pipilitin. Ang sa akin lang ay kung gusto mo talagang mapagamot ang nanay mo ay ito na ang sagot. Hindi mo ibebenta ang katawan mo. Sasayaw ka lang. Huwag ka munang mag-decide ngayon. Pag-isipan mong mabuti," nakangiting sabi ni Diva at hinawakan pa siya sa balikat.

Pumasok siya sa kwarto nilang mag-ina habang iniisip ang sinabi ni Diva. Napatitig siya sa ina nya. Nagising ito at iniangat nito ang isang kamay nang makita siya. Hirap na hirap ito sa simpleng kilos na iyon.

" S-sa-mmm...maaan..tha..." kahit sa pagtawag ng pangalan niya ay hirap din ito dahil nakangiwi na ang bibig nito pgkatapos nitong ma-stroke. Sabi ng doktor ay mababalik pa raw iyon sa normal kapag naagapan.

Mabilis na lumapit siya sa ina. Itinuro nito ang tubig sa mesang nasa tabi ng higaan. Kinuha niya ang basong may laman ng tubig. Inalalayan muna niya ang ina na makabangon para makainom ito ng tubig. May nabubuhos pang konting tubig sa gilid ng bibig nito dahil hindi nito maibuka nang maayos ang bunganga. Gusto nyang maiyak sa sitwasyon ng ina pero pinipigilan lang niya dahil ayaw nyang makita siya ng ina na ganu'n. Kailangan nya ring patatagin ang loob ng inay niya. Kung aasa siya sa sahod niya bilang waitress ay malamang na hindi nya talaga maipapagamot ang ina kahit ilang taon pa niyang pag-ipunan iyon. Pwera na lang kung papayag siyang lumabas kasama ang mga customers at ibigay ang sarili. Nangilabot siya sa naisip.

Naalala niya uli ang sinabi ni Diva. Kikita siya ng thirty thousand kada linggo para sa isang oras lang na pagsasayaw gabi-gabi. Hindi pa niya kailangang ibigay ang katawan. Hanggang tingin lang daw ang gagawin ng customer na kumausap sa baklang amo. Natipuhan daw siya ng lalaki nang makita siya isang gabi sa bar. Hindi raw ito exclusive customer ng bar. Isinama lang daw ito isang gabi ng kaibigan at tyempo namang nakita raw siya nito.

Inihiga niya uli ang ina nang mapainom ito ng tubig. Nakita niyang pumikit ito agad para matulog uli. Naaawa na siya sa kalagayan ng ina kaya't napagpasyahan niyang tanggapin ang alok ng kliyente.